वायुसेवा सञ्चालक संघले हवाइ जहाज दुर्घटना अध्ययन समिति बनाएको छ । एक वर्षको अवधिमा ४ दुर्घटना भएपछि संघले अध्ययन समिति गठन गरेको हो ।
संघका अध्यक्ष क्या. रामेश्वर थापाले दुर्घटनाको कारण, दुर्घटना न्युनिकरणका उपाय लगायतका विषयमा अध्ययन गर्न ४ सदस्यीय समिति गठन गरिएको जानकारी दिए । समितिले १ महिनाभित्र आफ्नो अध्ययन सकेर प्रतिवेदन बुझाउनेछ ।
पूर्व सचिव यज्ञ गौतमको संयोजकत्वमा गठित समितिमा क्याप्टेन हिराबाबु दाहाल, रवि कङ्साकार र इन्जिनियर एमके श्रेष्ठ सदस्य रहेका छन् ।