बैंक सञ्चालकहरूको संस्था बैंक तथा वित्तीय संस्था परिसंघ नेपाल (सिबिफिन) ले उत्पादनमूलक तथा रोजगारमूलक उद्योगमा प्रवाह हुने कर्जाको ब्याजदर अन्य क्षेत्रको तुलनामा २ प्रतिशतले कम हुनुपर्ने माग गरेको छ । आज पत्रकार सम्मेलन गरेर सिबिफिनले उर्जा, निर्माण क्षेत्र, पर्यटन र कृषि क्षेत्रमा कर्जाको ब्याजदर अन्य क्षेत्रको तुलनामा २ प्रतिशतले कम हुनुपर्ने माग गरेको हो ।
सिबिफिनका अध्यक्ष पवन कुमार गोल्यानले ५ करोडसम्मको कर्जामा चालु पुँजी कर्जा मार्गदर्शनको नियम लागु नहुने व्यवस्था गर्न पनि राष्ट्र बैंक समक्ष माग गरेका छन् ।
सिबिफिनले स्थानीय तहको खातामा रहने शत् प्रतिशत रकमलाई नै निक्षेपको रुपमा गणना गर्ने व्यवस्थाको निरन्तरताका लागि पनि माग गरेको छ ।