प्रभु बैंकले आफ्ना भिजा कार्डबाहक ग्राहकहरूलाई नव बर्ष २०८० को छुट उपलब्ध गराउनको लागि दराज नेपालसँग सम्झौता गरेको छ। यस सम्झौतामा बैंकका तर्फबाट प्रमुख संचालन अधिकृत रश्मी पन्त र दराज नेपालका तर्फबाट भुक्तानी प्रबन्धक जोनाम भुर्तेलले हस्ताक्षर गरेका छन्।
बैंकका अनुसार यस योजना मिति २०७९/१२/२८ बाट लागु हुनेछ। यो सम्झौता अनुसार ग्राहकले अप्रिल ११ देखी १४ सम्म डेबिट कार्ड मार्फत प्रीपेमेन्टमा ८% वा अधिकतम रु ७५०/- बराबरको छुट पाउने बैंकले जनाएको छ । क्रेडिट कार्ड मार्फत १०% वा अधिकतम रु १००० /- सम्मको छुट प्राप्त गर्न सक्ने बैंकले उल्लेख गरेको छ।
बैंकका अनुसार ग्राहकहरुले २०२३ अप्रिल १५ देखी २० सम्म २०% वा अधिकतम रु २००/- सम्मको छुट पाउन सक्नेछन् । उक्त अफर र छुट पाउनको लागि दराज प्रयोगकर्ताहरुले आफ्नो बैंक कार्ड सकृय गर्नु पर्दछ ।
दराजद्वारा सूचिकृत गरीएको स्वास्थ्य, सौन्दर्य र पहिरनका सामानहरुको खरिदमा ग्राहकहरुले २०% वा अधिकतम रु २००/- सम्मको छुट पाउन सक्ने बैंकले जनाएको छ।
