सिटिजन्स बैंक इन्टरनेसनलको सञ्चालक समितिको अध्यक्षमा प्रवलजंग पाण्डे नियुक्त भएका छन् । बैंकको शुक्रबार सम्पन्न १७ औं वार्षिक साधारणसभापछि बसेको सञ्चालक समितिको बैठकले पाण्डेलाई अध्यक्ष पदमा निर्वाचित गरेको हो ।
पाण्डे यसअघि बैंकको सञ्चालक थिए । संस्थापक सेयरधनीको प्रतिनिधित्व गर्दै बैंकको अध्यक्ष बनेका पाण्डे बैंकका प्रमुख लगानीकर्ता मध्ये एक हन् । पाण्डे लोमस फर्मास्यूटिकल्समा सञ्चालक समेत रहेका छन् ।
बैंकको आज सम्पन्न साधारणसभाबाट प्रवल जङ्ग पाण्डे, सीता कार्की (के .सी.), सजन शर्मा र दिग्विजय विष्ट बैंकको संचालक समितिको सदस्यमा निर्वाचित भएका थिए।
यो पनि : यी हुन् सिटिजन्स बैंकका २६ ठूला सेयरधनी, कसको स्वामित्व कति ?
