नक्कली भुटानी शरणार्थी बनाएर अमेरिका पठाउने भनी सङ्गठित ठगी गरेको घटनासँग जोडिएका नेपाली कांग्रेसका नेता पूर्वसभासद आङटावा शेर्पामाथि अनुसन्धान गर्न प्रहरीले दुई दिनको समय पाएको छ ।
घटनाबारे पक्राउ पूर्जी जारी भएको भनी मिडियामा समाचार सार्वजनिक भए पनि शेर्पा बुझ्नका लागि हिजो जेठ १ गते आफैँ जिल्ला प्रहरी परिसर काठमाडौँ पुगेका थिए । तर उनीमाथी पक्राउ पुर्जी भने जारी भएको थिएन ।
अनुसन्धान गरिरहेका मान्छे एक्कासी प्रहरीमा आइपुगेपछि प्रहरीलाई झन् सहज भयो र उनी प्रहरीको नियन्त्रणमा रहे । आज अदालतमा पेश गरिएकामा अदालतले दुई दिन हिरासतमा राखेर अनुसन्धान गर्न अनुमति दिएको प्रहरी उपरीक्षक सीताराम रिजालले बताए ।
भारतमा घुम्दै गर्दा जानकारी भएपछि सिधै परिसरमा आएको उनले सुनाएका प्रहरीले जनाएको छ । शरणार्थी प्रकरणमा पक्राउ परेका सानु भण्डारीलाई हिरासतमै गएर भेटेको समाचारहरु सार्वजनिक भएपछि घटनामा उनको नामसमेत जोडिएको थियो ।