.gif)
एकसट्ठी किलो सुन तस्करी प्रकरणमा जिल्ला सरकारी वकिलको कार्यालयले २९ जनाविरुद्ध जिल्ला अदालत काठमाडौँमा मुद्दा दायर गरेको छ । नेपाल प्रहरीको केन्द्रीय अनुसन्धान ब्युरो (सिआइबी) को अध्ययन प्रतिवेदनअनुुसार आइतबार मुद्दा दायर भएको हो ।
अभियोगपत्रमा २९ जनालाई प्रतिवादी बनाउन माग गरिएको छ । मुद्दामा रु तीन अर्ब ५० करोड ३० लाख ९१ हजार बिगो दाबी गरिएको छ ।
राजस्व अनुसन्धान विभागले बाइक तथा स्कुटीको ब्रेकसुमा लुकाएर ल्याएको ठुलो परिणामको सुन फेला पारेको थियो। विभागको अनुसन्धानपछि यस प्रकरणमा सिआइबीले अनुसन्धान गरि प्रतिवेदन बुझाएको हो ।
