नक्कली शरणार्थी प्रकरणमा अनुसन्धानका लागि आज पक्राउ परेका भुटानी शरणार्थी नेता टेकनाथ रिजाल र नेपाल हज समितिका अध्यक्ष शमशेर मियाँमाथि अनुस्न्धान गर्न प्रहरीले दुई दिनको म्याद पाएको छ ।
रिजाललार्ई आज झापाबाट काठमाडौँ आउने क्रममा त्रिभुवन अन्तर्राष्ट्रिय विमानस्थलबाट प्रहरीले पक्राउ गरेको थियो । मियाँलाई उर्र्जा मन्त्रालयबाट पक्राउ गरिएको थियो । उनीहरुलार्इ आजै अदालतमा पेश गरिउकोमा अदालतले दुई दिन हिरासतमा राखेर अनुसन्धान गर्न समय दिएको हो ।
रिजालमाथि यसअघि हिरासतमा परेका सानु भण्डारीसँग लाखौ रकम लिएको आरोप छ । यता हज समितिका अध्यक्ष मियाँलाई भने गिरोहसँगको मिलेमतो गरेको आरोप छ ।
उनले हज समितिका लागि प्रयोग गर्न दिएको गाडी गिरोहलाई प्रयोग गर्न दिएको खुलेको प्रहरीले जनाएको छ । उक्त सरकारी गाडी अहिले प्रहरीले नियन्त्रणमा लिइसकेको छ । उक्त घटनामा पूर्वमन्त्री र बहालवाला सचिवसहित १६ जना पक्राउ परिसकेका छन् ।