राष्ट्रिय स्तरका विकास बैंकलाई पनि निक्षेप संकलनमा कुनै सीमा नलाग्ने भएको छ। नेपाल राष्ट्र बैंकले बिहिबार एकिकृत निर्देशन जारी गर्दै यस्तो व्यवस्था गरेको हो ।
नयाँ व्यवस्था अनुसार वाणिज्य बैंक र राष्ट्रिय स्तरका विकास बैंकलाई निक्षेप संकलनसम्बन्धी कुनै सीमा लाग्ने छैन । यो व्यवस्था वाणिज्य बैंकको हकमा पहिले नै भएपनि राष्ट्रिय स्तरको विकास बैंकको हकमा अहिले थपिएको हो ।
राष्ट्रिय स्तरका बाहेकका विकास बैंकले भने आफ्नो प्राथमिक पुँजीको बढीमा २० गुणासम्म वित्तीय स्रोत (ब्याज वा बिना ब्याजमा स्वीकार गरिने कुनै पनि प्रकारको निक्षेप, सापटी र विभिन्न किसिमका ऋण उपकरणहरु) संकलन गर्न सक्नेछ ।