प्रतिनिधिसभा निर्वाचनको पहिलो मतपरिणाम सार्वजनिक भएको छ । जसमा नेपाली कांग्रेसका उम्मेदवार निर्वाचित भएका छन् ।
मुस्ताङमा कांग्रेसका उम्मेदवार योगेश गौचन थकाली निर्वाचित भएका हुन् ।
२९ वर्षीय थकालीले एमालेका निवर्तमान सांसद ६० वर्षीया प्रेमप्रसाद तुलाचनलाई पराजित गरेका हुन् । गौचनले ३ हजार ९९२ मत प्राप्त गरेर विजयी हुँदा एमालेका तुलाचनले ३ हजार ७८ मत प्राप्त गरे ।
निर्वाचित योगेश कांग्रेसका जिल्ला सभापति एवम् पूर्वसांसद रोमी गौचनका छोरा हुन् ।
यो निर्वाचन क्षेत्रमा राष्ट्रिय स्वतन्त्र पार्टीका सुदेश गुरुङले ८७ मत ल्याए ।
मुस्ताङमा मतदाता १० हजार ९५७ रहेकोमा ७ हजार २३० मत खसेको थियो ।
