७५० मेगावाट क्षमताको पश्चिम सेती र ४५० मेगावाट क्षमताको सेती नदी -६ जलविद्युत आयोजनाको बिजुली भारतीय कम्पनी पीटीसी इण्डियाले खरिद गर्ने भएको छ । नेपाल सरकारले ७५० मेगावाट क्षमताको पश्चिम सेती र ४५० मेगावाट क्षमताको सेती नदी -६ जलविद्युत आयोजना अध्ययन र निर्माणको जिम्माको भारतीय कम्पनी एनएचपीसीलाई सुम्पिएको थियो ।
एनएचपीसीले यी आयोजना बाट उत्पादन हुने बिजुली बिक्रिको लागि पीटीसी इण्डियासँग सम्झौता गरेको हो । सम्झौता अनुसार यी दुई आयोजनाको बिजुली एनएचपीसीबाट पीटीसीले खरिद गर्ने छ र पीटीसीले उपभोक्ताहरुलाई बिक्रि गर्ने छ ।
एनएचपिसी र पीटीसी भारत सरकारकोको स्वामित्व भएको कम्पनी हो ।
आयोजना निर्माण अनुमति पाएर लामो समयसम्म काम नगरेपछि नेपाल सरकारले यी आयोजना चिनियाँ कम्पनी चाइना थ्री गोर्जेजबाट खोसेको थियो । त्यसपछि भारतीय कम्पनीलाई यी आयोजना दिईएको हो । लगानी बोर्ड र भारतीय कम्पनी एनएचपीसीबीच केहि समय अगाडी यी आयोजना अध्ययन र निर्माणको जिम्मा दिने सम्झौता भएको थियो ।