तत्काल निजि क्षेत्रलाई विद्युत व्यापारको अनुमति दिन इप्पानको माग

स्वतन्त्र उर्जा उत्पादकहरुको संस्था इप्पानले तत्काल निजि क्षेत्रलाई विद्युत व्यापारको अनुमति दिन आग्रह गरेको छ। आगामी वर्षा याममा विद्युत खेर जाने समस्या झन भयावह हुने भएकोले तत्काल  निजि क्षेत्रलाई विद्युत व्यापारको अनुमति दिन इप्पानले माग गरेको हो ।

निजी क्षेत्रलाई विद्युत खरिद बिक्रीको लागि सरकारले ढोका खोलिदिने हो भने आफूले उत्पादन गरेको विद्युतको आन्तरिक खपत र बाह्य व्यापारको लागि निजी क्षेत्र तयार रहेको इप्पानले जनाएको छ ।  नयाँ ऐन जारी गर्ने प्रक्रिया केही लामो हुने हुदा सरकारले मन्त्रिपरिषद् बाट पारित गरेर बिद्युत व्यापारको लागि निजी क्षेत्रलाई अबिलम्ब अनुमति दिन इप्पानले माग गरेको हो ।