.gif)
सोमबारदेखि नेपाल र बंगलादेशबीच उर्जा वार्ता सुरु हुँदैछ । दुई देशबीच विद्युत व्यापारको वातावरण तयार गर्न नेपाल र बंगलादेशबीच छलफल हुन लागेको हो ।
बंगलादेशमा सुरु हुने वार्तामा पहिलो दिन संयुक्त कार्य समूहको बैठक बस्ने छ । दोस्रो दिन नेपाल र बंगलादेशका ऊर्जा सचिवस्तरीय संयुक्त निर्देशक समितिको बैठक बस्नेछ । बैठकमा नेपालको नेतृत्व ऊर्जा, जलस्रोत तथा सिंचाइ मन्त्रालयका सचिव दिनेश घिमिरेले गर्नेछन् भने बंगलादेशका तर्फबाट ऊर्जा सचिव हाबिबुर रहमानले नेतृत्व गर्नेछन् ।
विद्युत व्यापार थाल्नेबारे नेपालको विद्युत प्राधिकरण र बंगलादेशको बंगलादेश पावर डेभलपमेन्ट बोर्ड (बीपीडीबी)बीच समझदारीमा हस्ताक्षर गर्ने बारे पनि छलफल हुनेछ । समझदारीपत्रको मस्यौदा बनिसकेको छ । उक्त मस्यौदामा दुवै देशले आन्तरिक छलफल पनि गरेका छन् ।
नेपालले बंगलादेशमा लिखु–४ जलविद्युत आयोजनाबाट उत्पादित बिजुली बेच्ने प्रस्ताव गरेको छ । उक्त प्रस्तावमा भारतको सहमति लिएर भारतले आफ्नो प्रसारणलाइन प्रयोग गर्न अनुमति दिएपछि नेपालले बंगलादेशसँग विद्युत व्यापार गर्नेछ ।
४० देखि ५० मेगावाट बिजुली बंगलादेशमा निकासी गर्नेबारे प्रशारणलाइन प्रयोगका लागि भारत सरकारसँग सहयोग लिन नेपालले कुरा गरिरहेको छ ।
सँगै, नेपाल र बंगलादशेबीच प्रसारण पूर्वाधार निर्माणबारे पनि यसपटकको वार्तामा छलफल हुनेछ ।
बैठकमा सुनकोशी–३ आयोजना निर्माणका सम्बन्धमा पनि छलफल हुनेछ । यो परियोजना नेपाल र बंगलादेशले संयुक्त रुपमा बनाउने सहमति भइसकेको छ ।
.gif)
