नेपाल चेम्बर अफ कमर्शका अध्यक्ष राजेन्द्र मल्लले जलविद्युत कम्पनीले आयोजना निर्माण सुरु हुना साथ आईपिओ निष्काशन गर्न पाउनु पर्ने व्यवस्था गर्न माग गरेका छन् । यसको लागि स्वतन्त्र उर्जा उत्पादकहरुकाे संस्था नेपाल (इप्पान) ले पहल गर्नु पर्ने उनले बताएका हुन् ।
इप्पानको भावी नेतृत्वको लागि गणेश कार्कीको उम्मेदवारी घोषणा सभामा पुगेका मल्लले जलविद्युत कम्पनीहरुले ऋणको लागि बैंकको मुख ताक्नु पर्ने व्यवस्था अन्त्य गर्नु पर्ने र आयोजना सुरु हुना साथ आईपिओ मार्फत रकम संकलन गर्ने व्यवस्था गर्न उनले माग गरेका हुन् ।
त्यस्तै मल्लले इप्पानमा सहमतिबाट नै अध्यक्ष चयन गर्न आग्रह गरेका छन् । उनले इप्पानको अब आउने नेतृत्वले साना आयोजना हरुको लागि हक हितको लागि काम गर्नु पर्ने बताएका छन् ।