स्वतन्त्र उर्जा उत्पादकहरुको संस्था इप्पानका अध्यक्ष गणेश कार्कीले अहिलेको विद्युत विधेयक जस्ताको त्यस्तै पास भए निजी क्षेत्रका हाइड्रो व्यवसायी पलायन हुने बताएका छन् । इप्पानले आयोजना गरेको चाडपर्वको शुभकामना आदानप्रदान कार्यक्रममा उनले यस्तो बतएका हुन् ।
विधेयकमा स्टेप बाइ स्टेप क्षेप्यास्त्र प्रहार गर्ने काम भएको उनको टिप्पणी थियो । यो बिधेयकमा ८४ जना सांसदले संशोधन प्रस्ताव हालेको जानकारी दिदै उनले विधेयकलाई सरकारले संशोधन गर्छ भन्ने विश्वास इप्पानको रहेको बताए ।
निजी क्षेत्र नभएको भए आज पनि देश १८ घण्टा लोडसेडिङमा हुने भन्दै निजी क्षेत्रको योगदानलाई नजर अन्दाज गर्न नमिल्ने इप्पानले बताउदै आएको छ।