थ्री स्टार हाइड्रोपावर लिमिटेडले श्रम स्वीकृति लिई विदेशमा रहेका नेपाली नागरिकको लागि निष्काशन गरेको आईपिओमा आज छैठौं दिन नै माग भन्दा झन्डै ६ गुणाको आवेदन परेको छ ।कम्पनीले वैशाख ११ गतेदेखि आयोजना प्रभावित स्थानीय र श्रम स्वीकृति लिई विदेशमा रहेका नेपाली नागरिकको लागि आईपिओ निष्काशन गरेको थियो ।
सिडीएस एंड क्लियरिंग लिमिटेडका अनुसार आज शनिवार बेलुका ५ बजे सम्म थ्री स्टार हाइड्रोपावर लिमिटेडमा विदेशमा रहेका नेपाली नागरिकबाट ४ लाख ३३ हजार ८० कित्ताको लागि आवेदन परेको छ । जुन माग भन्दा करिब ६ गुणा हो ।
कम्पनीले ७३ हजार ८ सय ७५ कित्ता शेयर श्रम स्वीकृति लिई विदेशमा रहेका नेपाली नागरिकको लागि निष्काशन गरेको हो। श्रम स्वीकृति लिई विदेशमा रहेका नेपाली नागरिकले आवेदन दिंदा न्युनतम १० कित्ता र अधिकतम ७३ हजार ८ सय ७५ कित्ताको लागि आवेदन दिन सक्ने छन् ।
उक्त आवेदन बैशाख २५ गतेसम्म मात्र आवेदन दिन सकने छन् । शेयर निष्काशनको लागि हिमालयन क्यापिटल बिक्रि प्रबन्धक रहेको छ ।
स्थानीय र श्रम स्वीकृति लिई वैदेशिक रोजगारीमा रहेकालाई शेयर निष्काशन गरि बाँडफाँड गरेपछि कम्पनीले सर्बसाधारणलाई शेयर निष्काशन गर्ने छ । कम्पनीले खोटाङ जिल्लाको सपसुप खोलामा ६.६ मेगावाटको सपसुप खोला स्मल हाइड्रोपावर आयोजना निर्माण सम्पन्न गरि २०७८ पुस २३ गतेबाट व्यापरिक उत्पादन गरिरहेको छ।