साना किसान लघुवित्त र आरएमडिसी लघुवित्तले मर्जर प्रक्रिया सकेर असार २४ गतेदेखि एकिकृत कारोबार गर्ने भएका छन् । साना किसान विकास लघुवित्तको नामबाट एकिकृत कारोबार हुने भएको हो ।
दुवै कम्पनीको जेठ १० गते सम्पन्न विशेष साधारणसभाले मर्जर प्रस्ताव पारित गरेको थियो । राष्ट्र बैंकले जेठ २४ गते यी २ कम्पनीलाई मर्जमा अन्तिम स्वीकृति दिएको थियो । त्यस्तै असार ७ गते कम्पनी रजिष्ट्रार कार्यालयबाट अन्तिम स्वीकृति पाएपछि असार २४ गतेबाट एकिकृत कारोबार हुन लागेको हो ।
एकिकृत कारोबार गर्नको लागि डाटा माइग्रेसंनको काम गर्नु पर्ने भएकोले असार २२ गते ३ बजेदेखि असार २४ गते बिहान ९ बजेसम्म दुवै कम्पनीले प्रदान गर्ने सेवाहरु बन्द रहने कम्पनीले जनाएको छ।
यी २ संस्था १००ः८७ को स्वापमा मर्ज भएका हुन्। अर्थात् साना किसान लघुवित्तका लगानीकर्ताले १ कित्ता बराबर १ कित्ता नै शेयर पाउने छन् भने आरएमडिसीका लगानीकर्ताले १ कित्ता बराबरको ०.८७ कित्ता शेयर पाउने छन् ।
