साताको पहिलो दिन आइतबार शेयर बजार परिसुचक नेप्से ४७ अंकले बढेको छ । यसअघिका दुई दिन ३० अंकले घटेको बजार आज ४७.७५ अंकले बढेर नेपाल स्टक एक्सचेन्ज (नेप्से) १ हजार ९ सय ७. ९५ को बिन्दुमा पुगेको छ ।
सुचक बढेसँगै कारोबार रकममा पनि उल्लेख्य वृद्धि भएको छ । आज २९४ कम्पनीको सेयर खरिदबिक्री हुँदा २ अर्ब बढीको कारोबार भएको छ ।
उच्च अंकले नेप्से सुचक बढ्नुमा मौद्रिक नीतिको पहिलो त्रैमासिक समिक्षामा सेयर कारोबारमा लगाएको सीमा परिमार्जन गरिन लागेको चर्चा प्रमुख कारण रहेको छ । सेयर कारोबारका सम्बन्धमा व्यक्तिगतमा १५ करोड र संस्थागतमा २० करोडको सीमा लगाइएकोमा अब उक्त सीमा परिमार्जन गरिन लागेको बजार चर्चासँगै बजार उच्च अंकले बढेको बताईन्छ । त्यस्तै बैंक तथा वित्तीय संस्थालाई गैर बैंकिङ्ग सेयर कारोबार गर्ने दिने व्यवस्था समीक्षामा आउने चर्चाले बजार बढ्नमा टेवा पुगेको बताईन्छ ।