बुटवल पावर कम्पनी Butwal Power Company Limited ले ६०० मेगावाट क्षमताको माथिल्लो मस्र्याङ्दी जलविद्युत् आयोजनाको १९ दशमलव चार प्रतिशत शेयर खरीद गरेको छ । कम्पनीले हिमताल हाइड्रोको नाममा रहेको शेयर खरीद गरेको हो । कम्पनीका प्रमुख कार्यकारी अधिकृत उत्तरकुमार श्रेष्ठले हिमतालको नाममा रहेको छ लाख एक हजार ३०० कित्ता शेयर सोमबार बुटवल पावरको नाममा कायम भएको जनाए ।
हिमताल हाइड्रो र भारतीय कम्पनीका नाममा रहेको सो आयोजनाको शेयर गत वैशाख २३ गते नै बिक्री भएको प्रमुख कार्यकारी निर्देशक श्रेष्ठले जनाएका छन् ।
आयोजना लिने र काम नगरीकन शेयर स्वामित्व मात्रै बिक्री गर्दै आएको भन्दै संसद्को अर्थ समितिमा समेत सो विषयले प्रवेश पाएको छ ।
आयोजनाको काम अगाडि बढाउनुभन्दा शेयर स्वामित्व हस्तान्तरण भएको विषयमा अर्थ समितिले अर्थ मन्त्रालय, लगानी बोर्डलगायतका निकायसँग यसअघि नै छलफल गरेको थियो ।