एक्सेल डेभलपमेन्ट बैंक Excel Development Bank Limited को हकप्रद भर्ने म्याद थप भएको छ । कम्पनीले यस अघि आज कार्तिक १४ गतेसम्म हकप्रद बिक्रि खुला गर्ने जनाएकोमा २ साता म्याद थप गरिएको हो ।
यस संगै अब लगानीकर्ताले कार्तिक २९ गतेसम्म हकप्रदमा आवेदन दिन सक्ने छन् । कम्पनीले असोज २५ गतेदेखि हकप्रद बिक्रि खुला गरेको हो। कम्पनीले १०:३ को अनुपातमा ३० प्रतिशतले हुन आउने २४ करोड ३३ लाख ३६ हजार ३ सय ६७ दशमलव ४२ रुपैयाँ बराबरको २४ लाख ३३ हजार ३ सय ६३ दशमलव ६७ कित्ता हकप्रद शेयर निष्काशन गरेको हो ।
कम्पनीले हकप्रद निष्काशनको लागि असोज १ गते शुक्रबार एक दिन बुक क्लोज गर्ने निर्णय गरेकोले भदौ ३१ गतेसम्म कायम शेयरधनीले मात्र हकप्रद भर्न पाउने छन् ।
नेपाल धितोपत्र बोर्डले साउन ३१ मा कम्पनीलाई हकप्रद निष्काशनको लागि स्वीकृति प्रदान गरेको हो । बैंकले हकप्रद निष्काशनको लागि एनआईबिएल एस क्यापिटललाई बिक्रि प्रबन्धक चयन गरेको छ ।
कम्पनीले जेठ २७ गते हकप्रद शेयर निष्काशनको अनुमति माग गर्दै बोर्डमा आवेदन दिएको थियो ।