त्रिशुली जलविद्युत कम्पनी लिमिटेडले साधारणसभा आह्वान गरेको छ। कम्पनीले पुस २६ गते आम्रपाली ब्याक्वेटमा सभा आह्वान गरेको हो।
कम्पनीको सभामा संचालक समितिको तर्फबाट संचालक समितिका अध्यक्षद्वारा आ.व. २०७८ / ७९ को वार्षिक प्रतिवेदन प्रस्तुत गर्ने र सो उपर छलफल गरी पारित गर्ने, लेखापरीक्षकको प्रतिवेदन सहित २०७९ आषाढ मसान्त सम्मको वासलात र आ.व. २०७८/७९ को नाफा / नोक्सान हिसाव, नगद प्रवाह विवरण लगायतका अनुसूचीहरु सहित आ.व. २०७८ / ७९ को आर्थिक विवरण उपर छलफल गरी पारित गर्ने प्रस्ताव पेश हुने छ।
सभामा कम्पनीको आ.व. २०७९/८० को वित्तीय विवरणहरुको लेखापरीक्षण गर्नका लागि लेखापरीक्षकको नियुक्ति तथा निजको पारिश्रमिक निर्धारण गर्ने प्रस्ताव पेश हुने छ।
त्यस्तै विशेष प्रस्ताव अन्तर्गत कम्पनीको प्रबन्धपत्रको दफा ६ को उपदफा (घ) मा व्यवस्था भए बमोजिम जारी पूंजी रु. २ अर्ब ४७ करोड मध्येबाट समूह “ख” मा रहने सर्वसाधारण समूहको लागि छुट्याइएको शेयर निम्न बमोजिम निष्काशन गर्ने प्रस्ताव पेश हुने छ ।
(१) आयोजना रहेको नुवाकोट र रसुवा जिल्लाका स्थानीय तहहरुलाई ५% अर्थात् १२,३५,००० कित्ता शेयर।
(२) आयोजना प्रभाबित क्षेत्र नुवाकोट तथा रसुवाका स्थानीय बासिन्दाहरुलाई १०% अर्थात् १२,३५,००० कित्ता शेयर ।
(३) जलविद्युत आयोजनाहरुमा लगानी गर्ने उद्देश्यले आयोजना रहेको नुवाकोट र रसुवा जिल्लाका स्थानीय बासिन्दाहरुले संस्थापना गरेका कम्पनीहरुलाई ५% अर्थात् २४,७०,००० कित्ता शेयर।
(४) शेयरधनी सम्झौता भएको बखत देखि शेयर निष्काशन गरेका बखतसम्म नेपाल विद्युत प्राधिकरण र नेपाल दुरसंचार कम्पनीमा कार्यरत कर्मचारीहरु ( संस्थाहरुको कर्मचारी संख्याको आधारमा समानुपातिक) लाई ५% अर्थात् १२,३५,००० कित्ता सेयर।
कम्पनीले साधारणसभा प्रयोजनको लागि पुस १७ गते बुक क्लोज गर्ने निर्णय गरेको छ ।
