महालक्ष्मी विकास बैंक लिमिटेडले ऋणपत्र निष्काशनको अनुमति पाएको छ। नेपाल धितोपत्र बोर्डले गत चैत्र ५ गते बैंकलाई ऋणपत्र निष्काशनको अनुमति दिएको हो ।
बैंकले प्रति ऋणपत्र अंकित मूल्य रु.१००० दरले कुल १ अर्ब रुपैंया बराबर अर्थात् १० लाख कित्ता ऋणपत्र बिक्री गर्न लागेको हो । उक्त ऋणपत्र मध्ये रु. ६० करोड रकम बराबरको ऋणपत्र अर्थात् ६ लाख कित्ता व्यक्तिगत तवर बाट र रु.४० करोड बराबरको ऋणपत्र अर्थात् ४ लाख कित्ता सर्वसाधारण नेपालीहरुमा सार्वजनिक निष्कासनबाट बिक्री गरिनेछ । १० वर्ष अवधिको यस ऋणपत्रमा वार्षिक ११ प्रतिशत ब्याज प्रदान गरिने बैंकले जनाएको छ।
कम्पनीले ऋणपत्र निष्काशको लागि एनआईसी एसिया क्यापिटललाई बिक्रि प्रबन्धक चयन गरेको छ ।