आँखुखोला जलविद्युत कम्पनीले साधारणसभा आह्वान गरेकोछ । कम्पनीले असार २२ गते नयाँ बानेश्वर स्थित अर्पण ब्यांक्वेटमा सभा आह्वान गरेका हुन् ।
सभामा हकप्रद निष्काशन गर्ने सहितका विविध प्रस्ताव पेश हुने छन् । कम्पनीले साधारणसभा प्रयोजनको लागि असार ३ गते बुक क्लोज गर्ने निर्णय गरेको छ । असार २ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्तावहरु:
साधारण प्रस्ताव
१. अध्यक्ष ज्यूको आ. व. २०७८ / ०७९ को वार्षिक प्रगति प्रतिवेदन उपर छलफल गरी पारित गर्ने ।
२. आ.व. २०७८ / ०७९ को लेखापरीक्षण प्रतिवेदन उपर छलफल गरी पारित गर्ने ।
३. आगामी आ.व. २०७९ / ०८० को लागि लेखा परीक्षक नियुक्त गर्ने र पारिश्रमिक निधारण गर्ने।
विशेष प्रस्तावहरु
१ श्री गणेश हिमाल हाइड्रोपावर प्रा. लि. ले आफूले प्रवर्द्धन गर्न लागेको २० मे.वा. क्षमताको आँखुखोला-२ जलविद्युत आयोजनामा कम्तीमा ६० प्रतिशत लगानी गर्न सञ्चालक समितिले गरेको सम्झौता अनुमोदन गर्ने ।
२ श्री गणेश हिमाल हाइड्रोपावर प्रा.लि.ले आफूले प्रवर्द्धन गर्न लागेको २० मे.वा. क्षमताको आँखुखोला-२ जलविद्युत आयोजनामा कम्तीमा ६० प्रतिशत लगानी गर्न र बैक ऋण भुक्तानीको लागि यस कम्पनीले १.१.५ को हकप्रद शेयर निष्काशन गर्ने ।
३. हकप्रद शेयर निष्काशनको लागि कम्पनीको पूँजीगत संरचनामा वृद्धि गर्ने ।
