माण्डु हाईड्रोपावर लिमिटेडले श्रम स्वीकृति प्राप्त गरी वैदेशिक रोजगारीमा रहेका नेपालीहरुको लागि निष्काशन गरेको शेयर बाँडफाँड भएको छ । बिक्री प्रबन्धक प्रभु क्यापिटलले आज शेयर बाँडफाँड गरेको हो ।
जस अनुसार १० कित्ता देखि १,५०० कित्ता सम्म आबेदन दिने १३,६३६ आवेदकहरुलाई १० कित्ता, र २० कित्ता देखि १,५०० कित्ता सम्म आवेदन दिने ५,६६५ जना मध्ये गोलाप्रथाबाट ४ जनालाई थप ४ कित्ता गरी जम्मा १,३६,३६४ कित्ता शेयर बाँडफाँड गरिएको क्यापिटलले जनाएको छ ।
कम्पनीले वैदेशिक रोजगारीमा रहेका नेपालीहरुको लागि कुल १,३६,३६४ कित्ता शेयर निष्काशन गरेको थियो । आईपीओको नतिजा अप्रभु क्यापिटलको वेबसाइट र सिडीएससीको आईपीओको वेबसाइटबाट हेर्न सकिने छ ।