नेपाल स्टक एक्सचेन्ज नेप्सेमा सन नेपाल लाइफ इन्स्योरेन्सको शेयर कारोबार सुचारु भएको छ । आज बिहिबार स्पेसन प्रि ओपन सेसनमा कम्पनीको पहिलो कारोबार भई मूल्य तय भएको हो ।
कम्पनीको पहिलो कारोबार प्रति कित्ता ४७५.२ रुपैयाँमा भएको छ । नेप्सेले कम्पनीको पहिलो कारोबारको लागि १५८.४१ रुपैयाँ देखि ४७५.२३ रुपैयाँसम्मको तोकेकोमा ४७५.२ रुपैयाँबाट कारोबार सुरु भएको हो । यस सुरुवाती रेन्ज भित्रको जुनसुकै मूल्यमा पहिलो कारोबार हुन सक्ने व्यवस्था थियो ।
नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तय गर्न गरेको छ । कम्पनीको SNLI सिम्बलबाट कारोबार सुरु भएको हो । मंगलबार कम्पनीको ३ करोड २० लाख कित्ता शेयर सुचिकृत भएको थियो ।