नेपाल स्टक एक्सचेन्ज नेप्सेले आर्थिक वर्ष २०७९/८० को मुनाफाबाट ६४ प्रतिशत नगद लाभांश वितरण गर्ने भएको छ । नेप्सेको आज बसेको संचालक समितिको बैठकले ६४ प्रतिशत नगद लाभांश वितरण गर्ने निर्णय गरेको स्रोतले जनाएको छ ।
आजको बैठकले नेप्सेको आर्थिक वर्ष २०७९/८० को लेखापरीक्षण भएको वित्तीय विवरण पारित गर्दै लाभांश प्रस्ताव गरेर साधारणसभा गर्ने मिति तय गरेको हो। नेप्सेले पुस २९ गते साधारणसभा गर्ने निर्णय गरेको छ ।
नेप्सेले अघिल्लो वर्ष १०० प्रतिशत लाभांश दिएकोमा यो पटक ६४ प्रतिशतमात्र लाभांश दिन लागेको हो । नेप्सेको आम्दानी घटेसंगै लाभांश पनि घटेको छ ।
नेप्सेमा अर्थ मन्त्रालय, नेपाल राष्ट्र बैंक, राष्ट्रिय वाणिज्य बैंक,. कर्मचारी संचय कोष, लक्ष्मी बैंक, प्रभु बैंक र ब्रोकरहरुको शेयर लगानी छ ।