सुपर मादी हाइड्रोपावर लिमिटेडले लाभांश घोषणा गरेको छ। कम्पनीको पुस ६ गते बसेको संचालक समितिको बैठकले आर्थिक वर्ष २०७९/८० कि मुनाफाबाट वितरण गर्ने लाभांश प्रस्ताव गरेको हो ।
जस अनुसार कम्पनीले हाल कायम चुक्ता पुंजीको २ प्रतिशत नगद लाभांश र सो को कर प्रयोजनको लागि आवश्यक रकम वितरण गर्ने प्रस्ताव गरेको हो । कम्पनीले चुक्ता पूँजी रु २,१०,००,००,०००।- को २ प्रतिशत (कर बाहेक) रु ४,२०,००,०००/- ( चार करोड विस लाख मात्र) र कर प्रयोजनको लागि रु २२,१०,५२६ । - गरि जम्मा रु. ४,४२,१०,५२६। - नगद लाभांश वितरण गर्ने प्रस्ताव गरेको हो।
कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ । कम्पनीले पुस २८ गते साधारणसभा आह्वान गरेको छ ।
कम्पनीले साधारणसभाको प्रयोजनार्थ पुस १७ गते बुक क्लोजको मिति समेत तय गरेको छ। अर्थात पुस १६ गतेसम्म कायम सेयरधनीहरुले मात्र कम्पनीको साधारणसभामा भाग लिन तथा प्रस्तावित लाभांश प्राप्त गर्न सक्ने छन्।
