काठमाडौँको गुर्जुधारामा ठूलो दुर्घटना भएको छ । थानकोट-कलंकी सडकखण्डको गुर्जुधारामा कलंकीतर्फ आउँदै ट्रकको ब्रेक फेल हुँदा दुर्घटना भएको हो । प्रहरीका अनुसार काठ बोकेर कलंकी आउदै गरेको ना ३ ख ९७७३ नम्बरको ट्रकको ब्रेक फेल हुँदा सडकमा रहेका स्कुटर, मोटरसाइकल, ट्रक र ट्याक्सीलाई ठक्कर दिएको हो । दुर्घटनामा परी एक जनाको मृत्यु भएको छ भने आधा दर्जन बढी घाइते भएका छन् । घटनामा ३ जनाको मृत्यु भएको स्थानीयले बताए पनि त्यसको पुष्टि हुन् बाँकी छ । घटनाको विस्तृत विवरण आउन बाँकी छ ।
घटना लगत्तै ट्रक चालक फरार रहेका छन् । ट्रक चालक काभ्रेका गंगा दोर्जे लामा र ट्रक मालिक डम्बर पोखरेल रहेको खुलेको र उनीहरुको खोजि भइरहेको प्रहरीले जनाएको छ।’
तस्विर: युगान्त रिजाल
