जिल्ला प्रहरी कार्यालय चितवनमा शुक्रबार साँझ ढुंगामुढा प्रहार भएको छ । प्रहरी चौकी बाहिरबाट ठूलो समूहले चौकीभित्र ढुंगा, मुढा र रड प्रहार गर्दा ५ जना प्रहरी घाइते भएका छन् ।
चितवनमा प्रहरी प्रमुख एसपी दानबहादुर मल्लका अनुसार प्रहरीले १० सेल अश्रुग्यास हानेको छ । पत्रकार शालिकराम पुडासैनीको आत्महत्या प्रकरणमा टेलिभिजन प्रस्तोता रबी लामिछानेसहित ३ जनालाई पक्राउ गरेपछि रबीका समर्थक बिहानैदेखि चितवमा पुगेर नाराबाजी गरिरहेका छन् ।