सरकारले १३औँ दक्षिण एशियाली खेलकुद प्रतियोगीता (साग) को तयारीमा जुटेको जनाएको छ । आगामी डिसेम्बर १ देखि १० तारिखसम्म आयोजना हुन लागेको प्रतियोगीताको मितिमा अब कुनै द्धिविधा नभएको युवा तथा खेलकुदमन्त्री जगत बहादुर विश्वकर्माले जानकारी दिए ।
सरकारले आर्थिक वर्ष २०७६/७७ सालको नीति तथा कार्यक्रममा पनि सन् २०१९ भित्रै अन्तर्राष्ट्रिय महत्वको १३औं साग प्रतियोगिता आयोजना गर्ने जनाएको थियो । नेपालले तेस्रो पटक सागको आयोजना गर्न लागेको हो । यो प्रतियोगितामा धेरै भन्दा धेरै पदक जित्ने लक्ष्य रहेको सरकारको भनाई छ ।
सागका विभिन्न खेलमा नेपालबाट ६ सय २५ खेलाडीले भाग लिदैछन् ।