नेपाल टेलिकमले आफुले आईफोन वितरण गर्ने कुनै पनि अफर संचालन नगरेको जनाएको छ। टेलिकमले पछिल्लो समय सामाजिक सञ्जालमा प्रकाशित भएका गतिविधिबारे आपत्ति जनाउदै ति अफरहरु टेलिकमको तर्फबाट नरहेको र भ्रामक रहेको जनाएको हो ।
मंगलबार टेलिकमले एक सार्वजनिक सूचना प्रकाशन गर्दै अनाधिकृत पेजमा आफ्ना कुनै बिवरण, सूचना उपलब्ध नगराउन आग्रह गरेको छ । सूचनामा भनिएको छ, ‘नेपाल टेलिकमको नाम, लोगो तथा अन्य सामग्रीहरु प्रयोग गरी विभिन्न सोसल मिसिडयामा अनाधिकृत पेजमार्फत भ्रामक जानकारी प्रकाशित भइरहेकाले नेपाल टेलिकमको आधिकारिक वेबसाइट र सोसल मिडिया पेजबाट मात्र आवश्यक जानकारी लिनुहुन ग्राहकहरुलाई आग्रह गर्दछौँ ।’
पछिल्लो समय टेलिकमको फेक अकाउन्ट बनाएर आइफोनको प्रलोभन देखाईएको छ । त्यसरी देखाईएको लिंक खोल्दा फेसबुकको आईडी र पासवर्ड माग गरिने र त्यसले आफ्नो व्यक्तिगत डाटा चोरी हुन सक्ने विज्ञहरुले बताएका छन् ।
