नेपाल पर्यटन बोर्डले बोर्डका कार्यकारी प्रमुख डा. धनञ्जय रेग्मीले पर्यटन व्यवसायीहरुले प्याकेज बिक्री गरे बापतको रकम बैंकिङ च्यानल भन्दा बाहिरबाट आउने गरेकाले पर्यटन क्षेत्रको जिडिपीमा योगदान कम देखिएको बताएका छन् । सोमवार पर्यटन बोर्डको तर्फबाट नवनियुक्त बोर्ड सदस्य, नाटा र भिटोभका नयाँ कार्यसमिति सदस्यहरुलाई स्वागत गर्दै उनले यस्तो बताएका हुन् ।
उनले पर्यटकहरुले अनलाइन मार्फत किनेको प्याकेज ७० प्रतिशत रकम विदेशी खातामा नै जम्मा गर्ने गरेकाले पर्यटन क्षेत्रको योगदान कम हुँदै गएको बताए । कार्यकारी प्रमुख डा. रेग्मीले पर्यटन क्षेत्रले मुलुकको कुल गार्हस्थ्य उत्पादनमा ७ देखि १० प्रतिशत योगदान रहेकाले त्यो योगदान कायम राख्न यस्तो रकम बैंकिङ च्यानल मार्फत नेपाल आउनुपर्ने बताए । उनले व्यवसायीहरुले कार्यकारी प्रमुखले सधैँ करको कुरा गर्ने आरोप लगाएको बताए । उनले पर्यटन क्षेत्रले राज्यलाई पु¥याउने योगदानको विषय गर्वका साथ भन्नसक्ने अवस्था सिर्जना गर्ने वातावरण बनाउनको लागि करको विषय उठान गरेको बताए ।
उनले भने ,‘पर्यटन व्यवसायीहरुले बनाएको टुरिजम प्याकेज अनलाइनबाट किन्दा अनलाइन एप्सलाइ ३० प्रतिशत लग्ने गर्छ । बाँकी पैसा कम्पनीलाई आउने हो । त्यसमा पनि १३ प्रतिशत भ्याटको कुरा आउने भएकाले त्यो पैैसा नेपालबाट नबुझेर फरेन्ट खातामा कतिपय व्ययवसायीहरुले जम्मा गर्नुभएको छ । त्यसो गर्दा नेपालको अर्थतन्त्रको आयमा देखिने भएन । नदेखिँदा नेपालमा पर्यटन उद्योगको योगदान ३ प्रतिशत मात्रै देखिने भयो । तर नेपालको कुल गार्हस्थ्य उत्पादन (जिडिपी)मा ७ देखि १० प्रतिशत रहेको छ । सबै पैसा नेपाल आउन सकेको छैन । बैंकिङ च्यानलमा छैन । जहिले पनि सिइओले करका कुरा गर्छ भन्नुहुन्छ मैले करको कुरा नभएर गर्व गर्ने गरी राज्यलाई पर्यटन उद्योगको यति प्रतिशत योगदान छ भनेर भन्नुपर्छ । अहिले त्यो अवस्था नभएकाले यो भनेको हो ।’
प्रमुख रेग्मीले कोभिडपछि पर्यटनमा देखिएको समस्या समाधान गर्न बोर्डले काम गरिरहेको बताए । उनले पछिल्ला समय नेपालमा पर्यटक आगमनमा भएको बृद्धिले पर्यटन छिट्टै लयमा फर्किने आशा जगाएको बताए ।
बोर्डले क्यानडामा नेपालको प्रवद्र्धनमा काम गरिरहेका बोर्डका मानार्थ जनसम्पर्क प्रतिनिधि (एचपीआरआर) नरबहादुर टण्डनलाई पनि सोही अवसरमा सम्मान गरेको छ ।