नयाँ बानेश्वरस्थित संसद भवनअगाडिको सडकमा शंकास्पद वस्तु फेला परेको छ । संसद भवन अगाडी कै मुख्य सडकको बीचमा ‘नो एमसीसी’ लेखिएको प्रेसर कुकर भेटिएको हो ।
यो बम नै हो या होईन भन्ने यकिन भईसकेको छैन । सडकमा शंकास्पद वस्तु फेला परे पछि नयाँ बानेश्वरको मुख्य सडक बन्द गरिएको छ भने सहायक लेनबाट मात्र सवारी संचालन भईरहेको छ। शंकास्पद वस्तुलाई डिस्पोज गर्ने तयारी सेनाले गरिरहेको छ ।
एमसीसी पास गरिएको विरोधमा आज विभिन्न दलहरुले नेपाल बन्दको आव्हान गरेका छन् । संसदले हिजो आइतबार बहुमतले एमसीसी पारित गरेको थियो ।
