किर्गिजस्तानका लागि नेपालको अवैतनिक महावाणिज्यदूतमा रमेश शर्मा नियुक्त

बिजपाटी संवाददाता

बिजपाटी संवाददाता

Apr 10, 2024 | 08:00:33 PM मा प्रकाशित

laxmi  sunrise bank

निर्माण व्यवसायी रमेश शर्मा किर्गिजस्तानका लागि नेपालको अवैतनिक महावाणिज्यदूत नियुक्त भएका छन् । शर्मालाई बुधबार परराष्ट्र मन्त्रालयमा शिष्टाचार महापाल दिलिपकुमार पौडेलले अवैतनिक महावाणिज्यदूतको नियुक्तिपत्र हस्तान्तरण गरेका हुन् ।

नेपाल निर्माण व्यवसायी महासंघका सल्लाहकार एवं पूर्व अध्यक्ष शमार्ले गुणस्तरीय कार्यका लागि देश विदेशमा ख्याति कमाइसकेका छन् । शर्मा एण्ड कम्पनीका प्रबन्ध निर्देशक समेत रहेका शर्मा निर्माण व्यवसायीको पृष्ठभूमिबाट अवैतनिक महावाणिज्यदूत नियुक्त हुने पहिलो व्यक्ति हुन् ।

नेपाल र किर्गिजस्तानबीचको सम्बन्धलाई अझ प्रगाढ बनाइ नेपालमा किर्गिजस्तानको लगानी भित्र्याउन आफूले विशेष पहल गर्ने शर्माले बताए । निर्माण व्यवसाय लगायत अन्य विविध क्षेत्रमा समेत लगानी गरेका शर्मा विभिन्न सामाजिक संस्थामा पनि उत्तिकै क्रियाशिल छन् । 

Share Your Thoughts

Recent News

Main News

Close in 7


Bizpati.com © 2020. All Rights Reserved