उदीयमान राष्ट्रको सङ्गठन ब्रिक्समा छ सदस्य थपिएका छन् । ब्राजिल, रुस, भारत, चीन र दक्षिण अफ्रिका सदस्य रहेको ब्रिक्समा थप ५ देश थपिएका हुन् ।
अरब गणतन्त्र इजिप्ट, सङ्घीय लोकतान्त्रिक गणतन्त्र इथियोपिया, इस्लामिक गणतन्त्र इरान, साउदी अरब र संयुक्त अरब इमिरेट्स ब्रिक्समा आवद्द भएका हुन् ।जनवरी १ देखि यी राष्ट्र सङ्गठनमा औपचारिक रुपमा आबद्ध भएका हुन् ।
गत अगस्टमा सम्पन्न ब्रिक्स सम्मेलनले यी देशलाई ब्रिक्समा आवद्द गराउने निर्णय गरेको थियो । सोहि निर्णय जनवरी १ बाट कार्यान्वयनमा आएको हो ।
सो समय अर्जेन्टिनालाई पनि ब्रिक्समा आवद्द गर्ने निर्णय भएकोमा अन्तिम समयमा आएर अर्जेन्टिनाले ब्रिक्समा आवद्द नहुने निर्णय गरेको हो । अर्जेन्टिनाका राष्ट्रपतिले ब्रिक्सलाई पत्र लेख्दै ब्रिक्समा आवद्द नहुने बताएका हुन् ।
नयाँ ५ देश थपिएसंगै अब ब्रिक्सले विश्वको ४१ प्रतिशत तेल उत्पादन कन्ट्रोल गर्ने अन्तराष्ट्रिय संचारमाध्यमहरुले उल्लेख गरेका छन् । इरान, साउदी अरब र संयुक्त अरब इमिरेट्स थपिएपछि विश्वका ९ ठुला तेल उत्पादन गर्ने देश मध्ये ६ वटा ब्रिक्स सदस्य भएका छन् ।
