अर्थमन्त्री वर्षमान पुनले लगानी सम्मेलन सबैको सामुहिक कार्यक्रम रहेको बताएका छन् । आज लगानी बोर्डले आयोजना गरेको सम्पादकहरुसँगको अन्तरक्रिया कार्यक्रममा बोल्दै मन्त्री पुनले लगानी सम्मेलन सत्तापक्ष र प्रतिपक्षको नभई सबैको सामुहिक भएको बताएका हुन् ।
अर्थमन्त्री पुनले लगानी सम्मेलनमा यो वा त्यो पार्टीको विचारको नभई आवश्यकता अनुसार सबैलाई समेटिएको बताए। सत्ता पक्ष वा प्रतिपक्ष नभनी सबैलाई उत्तिकै महत्व दिएर समेटिएको पुनले बताए ।
पुंजीमैत्रीको विशेषता भनेको नै लगानीको सुरक्षा र प्रतिफल भएकाले विचार हेरेर लगानी नआउने बताए। मन्त्री पुनले चीन र भारतको उदाहरण दिएर नाफा र माहोल हेरेर मात्र त्यहाँ लगानी आएको बताए । त्यस्तै सरकार परिवर्तन हुँदैमा नीतिमा कुनै प्रभाव नपरेको उनले बताए ।
