बैंक अफ काठमाण्डूको लाभांश पारित भएको छ । बैंकको २७औं वार्षिक साधारण सभाले २०७८ आषाढ मसान्तसम्ममा कायम भएको चुक्ता पूँजीको १० प्रतिशतका दरले बोनस शेयर र चुक्ता पूँजीको ४ प्रतिशतका दरले नगद लाभांश (लाभांशमा लाग्ने कर समेत) वितरण गर्ने प्रस्ताव पनि सर्वसम्मतिबाट पारित गरेको हो ।
बैंकको सञ्चालक समितिका अध्यक्ष प्रकाश श्रेष्ठको अध्यक्षतामा सम्पन्न भएको साधारणसभाले समितिको प्रतिवेदन पारित गरेको छ ।
बैंकले हाल ९१ शाखा, ८४ एटिएम र १० एक्स्टेन्सन काउन्टर मार्फत सेवा प्रदान गर्दै आईरहेको छ ।