पिपुल्स हाइड्रोपावर कम्पनीको लिमिटेडको सञ्चालकमा २ जना निर्विरोध निर्वाचित भएका छन् । सर्वसाधारण सेयर धनीका तर्फबाट केशव प्रसाद भण्डारी र रामशरण अधिकारी कम्पनीको सञ्चालकमा निर्विरोध निर्वाचित भएका हुन् ।
सर्वसाधारण सेयर धनीको तर्फबाट २ जना सञ्चालक निर्वाचित हुने प्रावधान भएपनि ३ जनाले उम्मेदवारी दर्ता गराएका थिए । ३ जनामध्ये कृष्णप्रसाद अधिकारीले आफ्नो उम्मेद्वारी फिर्ता लिएपछि केशव प्रसाद भण्डारी र रामशरण अधिकारी निर्विरोध निर्वाचित भएका हुन् ।
भण्डारी कामना सेवा विकास बैंकका पूर्व सञ्चालक र महुली लघुवित्त वित्तीय संस्थाका पूर्व स्वतन्त्र सञ्चालक हुन् ।
कम्पनीको साधारणसभा असार ४ गते हुँदैछ ।
