सामुदायिक लघुवित्त वित्तीय संस्था लिमिटेडले बिपिडब्लु लघुवित्त वित्तीय संस्थासँग मर्जमा जाने प्रस्तावसहित साधारणसभा बोलाएको छ । कम्पनीले असोज ३० गते मंगलबार, होटल उग्रचण्डी, बनेपा, काभ्रेपलाञ्चोकमा सेयरधनीहरुलाई बोलाएको हो ।
सभाले बिपिडब्लु लघुवित्त वित्तीय संस्था लिमिटेडको १ कित्ता शेयर बराबर ०.८५३५ शेयर कित्ता शेयर प्रदान गरी विपिडब्लू लघुवित्त वित्तीय संस्थासँग एक आपसमा गाभ्ने/गाभिने विशेष प्रस्ताव पारित गर्नेछ ।
त्यस्तै सभाले गाभिएपश्चात गठन हुने सञ्चालक समितिको कार्यकाल, कम्पनीको प्रबन्धपत्र तथा नियमावली संशोधन गर्ने लगायतका प्रस्तावहरु पनि पारित गर्नेछ ।
विशेष साधारण सभा प्रयोजनका लागि लघुवित्तले असोज २१ गते बुकक्लोज गर्ने जनाएको छ ।