उखु किसानलाई रकम भुक्तानी नदिने चिनी मिल सञ्चालकलाई पक्राउ गर्ने सरकारले निर्णय गरेको छ । मंगलबार दिउसो गृह, उद्योग तथा कृषि मन्त्रीबिच भएको छलफलपछि भुक्तानी नदिने मिल सञ्चालकलाई पक्राउ गर्ने निर्णय भएको हो ।
गत वर्ष सरकारले गरेको सहमति अनुसार चिनी मिल सञ्चालकले रकम भुक्तानी नदिएको भन्दै आईतबारदेखि उखु किसानहरुले माइतीघर मण्डलाई शान्तिपूर्ण रुपमा आन्दोलन गरेका छन् । विभिन्न चिनी मिलबाट ९२ करोड बढी रकम भुक्तानी गर्न बाँकी रहेको भन्दै किसानहरु आन्दोलीत बनेका हुन् ।
मंगलबार दिउसो ३ बजे चिनी उद्योगी, उखु किसान र उद्योग मन्त्रालयका अधिकारीबिच मन्त्रालयमा छलफल सुरु भएको उद्योग मन्त्रालयले जनाएको छ ।