.gif)
नाडा अटोमोबाइल्स एसोसियसनले पहिलो पटक आयोजना गर्न लागेको ईभी एक्सपो २०२२ मा २२ वटा ईभी ब्राण्डहरुले भाग लिने भएका छन् ।
नाडाका अनुसार ८ वटा ४ पाङ्ग्रे र १४ वटा २ पाङ्ग्रे ईलेक्ट्रिक भेहिकल ब्राण्डले एक्सपोमा भाग लिन स्टल बुकिङ गरेका छन् ।
४ पाङ्ग्रेमा टाटा, हुण्डाई, किया, बीवाईडी नयाँ मोडल लिएर एक्सपोमा आउँदै छन् ।
२ पाङ्ग्रे ईभी सवारीले पनि भाग लिँदैछन् । नाडाका अध्यक्ष ध्रुब थापाका अनुसार यसपाली नेपालमै बनेको विद्युतीय मोटरसाइकल ‘यात्री’लाई एक्सपो मार्फत विशेष प्रोत्साहन गरिनेछ ।
स्पेयर पार्टस्, टायर, ट्युव र लुब्रिकेन्ट कम्पनीहरुले पनि एक्सपोमा सहभागि जनाउने छन् ।
ईभी अटो एक्सपोका संयोजक अनुप बरालका अनुसार बैंक तथा वित्तीय संस्थाको पनि सहभागीता रहने छ ।
ईभी एक्सपो असोज ६ गतेदेखि ९ गतेसम्म भृकुटीमण्डपस्थित प्रदर्शनी हलमा आयोजना हुनेछ ।
.gif)
