इलामको सुकिलुम्बा विमानस्थलमा नेपाल एयरलाइन्सले परीक्षण उडान गरिएको छ । नेपाल एयरलाइन्सको ट्वीनअटर विमानबाट सुकिलुम्बा विमानस्थलमा बुधबार परीक्षण उडान गरिएको हो ।
नेपाल एयरलाइन्सकी प्रवक्ता अर्चना खड्काका अनुसार निगमको ट्वीनअटर विमान बिहान १०ः२ बजे विमानस्थलमा सुरक्षित अवतरण गरेको छ । उनका अनुसार परीक्षण उडानको प्रतिवेदन तयार भएपछि सुरक्षाका सम्पूर्ण सिफारिसहरु अवलम्बन गर्दै निगमले नियमित उडानको प्रक्रिया सुरु गर्नेछ ।
काठमाडौँ विमानस्थलबाट ५५ मिनेटको उडानमा जहाज इलाम पुगेको हो ।
यो विमानस्थलमा तारा एयरले १२ वटा उडान गर्ने जिम्मेवारी लिइसकेको छ ।
