नेपाल वायुसेवा निगमका त्रिभुवन अन्तराष्ट्रिय विमानस्थलका सुरक्षा कमाण्डर निलम्बन भएका छन् ।
निगमले विमानस्थलका सुरक्षा कमाण्डर धुव्रराज थापालाई निलम्बन गरेको हो ।
फागुन ९ गते राति काठमाडौँबाट कतारको दोहा जाने तयारीमा रहेको निगमको एयरबस ३३० जहाजभित्र अनाधिकृत व्यक्ति फेला परेका थिए । यसो हुनुमा सुरक्षा व्यवस्थापनले चरम लापरबाही गरेको देखिएको भन्दै थापालाई निलम्बन गरिएको निगमले जनाएको छ ।
