भैरहवास्थित गौतमबुद्ध अन्तराष्ट्रिय विमानस्थलमा पहिलो परीक्षण उडान नेपाल एयरलाइन्सको जहाजले गर्ने भएको छ ।
वैशाख १ गते निगमको जहाजले परीक्षण उडान गर्ने भएको हो । नेपाल नागरिक उड्डयन प्राधिकरणका अनुसार भैरहवा विमानस्थलबाट वैशाख १ गते परीक्षण उडान गर्ने र जेठ २ गते बुद्ध जयन्तीका दिनबाट व्यावसायिक अन्तराष्ट्रिय उडान सुरु गर्ने तयारी भईरहेको छ ।
प्राधिकरणका महानिर्देशक प्रदीप अधिकारीका अनुसार भैरहवा विमानस्थलमा व्यावसायिक उडान गर्न अहिलेसम्म ११ वटा कम्पनीको चासो देखाएका छन् । व्यावसायिक उडानका लागि चासो देखाउनेमा नेपाल वायु सेवा, जजिरा एयरवेज, श्रीलङ्कन एयर, सलाम एयर, थाई स्माइल, कतार एयर, फ्लाई दुबई, गल्फ एयर, गो एअर, एयर बिच र ओमन एयर रहेका छन् ।
यो विमानस्थलमा फागुन पहिलो साता थाइल्यान्डको एरो थाईले क्यालिब्रेशन फ्लाइट गरिसकेको छ ।
