नेपाल नागरिक उड्डयन प्राधिकरणले हेलिकप्टरमा पनि २ जना पाइलट हुनुपर्ने निर्णय गरेको छ ।
अब सिङ्गल इन्जिन भएका साना हेलिकप्टरमा पनि २ पाइलट राखेर मात्रै उडाउनु पर्ने भएको हो । नेपाल नागरिक उड्डयन प्राधिकरणका उपमहानिर्देशक देवचन्द्रलाल कर्णका अनुसार यो नियम १७ असार (१ जुलाई)बाट लागू हुनेछ ।
अहिले हेलिकप्टरमा १ जना मात्रै पाइलट राखेर उडान हुँदै आएको छ । अब भने २ जना पाइलट अनिवार्य राख्नु पर्ने नियम बनाईएको हो ।
हवाई सुरक्षा अभिवृद्धिका लागि क्यानले यस्तो निर्णय गरेको हो ।
नेपालमा हवाईजहाज र एमआई१७ मोडलका ठूला हेलिकप्टरमा मात्र २ पाइलट अनिवार्य थियो । अब भने साना हेलिकप्टरमा पनि २ पाइलट अनिवार्य गरिएको हो ।
