सर्वोच्च अदालतले नेपाल वायुसेवा निगमका कार्यकारी अध्यक्ष युवराज अधिकरीलाई निलम्बन गर्ने सरकारको निर्णय तत्काल कार्यन्वयन नगर्न आदेश दिएको छ ।
न्यायाधीश तिलप्रसाद श्रेष्ठको एकल इजलासले बिहीबार निगमका कार्यकारी अध्यक्षलाई निलम्बन गर्ने निर्णय तत्काल कार्यान्वयन नगर्न अल्पकालीन अन्तरिम आदेश दिएको हो ।
उनीमाथि छानबिन गर्नुपरे पनि निलम्बन गर्नु नपर्ने ठहर अदालतले गरेको हो ।
अदालतले पाइलट दीपु ज्वारचनलाई अस्थायी महाप्रबन्धक नियुक्त गर्ने सरकारको निर्णयसमेत कार्यान्वयन नगर्न आदेश दिएको छ ।