हिमालय एयरलाइन्सले चीनको राजधानी बेइजिङमा फेरि उडान सुरू गर्ने भएको छ । कोरोना भाइरसको महामारीका कारण रोकिएको हिमालयको बेइजिङ उडान भोली शनिबारबाट पुनः सुरु हुने भएको हो ।
हिमालयले काठमाडौंबाट बेइजिङ तासिङ अन्तराष्ट्रिय विमानस्थलमा हप्तामा एउटा उडान गर्ने जनाएको छ।
कम्पनीका उपाध्यक्ष विजय श्रेष्ठले हिमालयको बेइजिङ उडानले नेपालको पर्यटन व्यवसायमा सहयोग पुग्ने विश्वास व्यक्त गरेका छन् ।