प्रदूषित हावाका कारण आज आइतबार देशैभर हवाई उडान प्रभावित बनेको छ । काठमाडौँसहित देशका विभिन्न आन्तरिक विमानस्थलमा उडान तथा अवतरण प्रभावित बनेको हो ।
त्रिभुवन विमानस्थल कार्यालयले कम भिजिविलिटीका कारण आइतबार आन्तरिक विमानस्थलहरुको उडान प्रभावित बनेको जनाएको छ । धनगढी र पोखरा विमानस्थलमा सामान्य रुपमा उडान भइरहे पनि अन्य विमानस्थलमा उडान तथा अवतरण डिले भइरहेको छ ।
बिहानैदेखि तराईका अधिकांश विमानस्थलहरुमा भिजिबिलिटी कम छ ।
काठमाडौँ आज धुलाम्मे भएको छ । काठमाडौँ आज विश्वकै प्रदूषित शहरको पहिलो नम्बरमा छ ।