नेपाल नागरिक उड्डयन प्राधिकरणका पूर्व महानिर्देशक राजकुमार क्षेत्रीलाई प्राधिकरणले आज बिदाई गरेको छ । उमेरहदका कारण यस अघि नै अनिवार्य अवकाश पाएका क्षेत्रीले त्यतिबेला महानिर्देशक पद नियुक्तिको पद भएकाले यसमा उमेरहद लागू नहुने दाबीसहित अदालतमा निवेदन दिएका थिए ।
अदालतले आदेश दिएर फर्काएपनि उनले हाँजिर गर्न पाएनन् ।
उनी २०७८ कार्तिकमा महानिर्देशकमा नियुक्त भएका थिए । त्यसको ३ महिनामै उनले अवकाश पाएका थिए ।
तर, क्यानबाट बाहिरिएको १५ महिनापछि क्यानले औपचारिक बिदाई गरेको हो । महानिर्देशक प्रदीप अधिकारीले खुशी र निरोगी सेवा निवृत्त जीवनको लागि शुभकामना दिँदै क्षेत्रीलाई सम्मानपत्र र दोसल्ला ओढाएर बिदाई गरेका हुन् ।
