काठमाडौँबाट बिराटनगर उडेको यती एयरको जहाज धार्के माथिको आकाश पुगेर फेरि काठमाडौँ फर्किएको छ । आइतबार दिउँसो ३ः१८ बजे काठमाडौँबाट उडेको यतीको वाईटी–७९३ कलसाइन जहाज धार्के माथिको आकाशबाट काठमाडौँ नै फर्किएको हो ।
विराटनगरमा मौसम खराब रहेकाले जहाज अवतरण गर्न नसक्ने सूचना आएपछि जहाजलाई फर्काइएको बताइएको छ । काठमाडौँ विमानस्थलस्थित यती एयरलाइन्सका कर्मचारीका अनुसार जहाजमा ४० जना यात्रु थिए ।
‘मोसमका कारण विराटनगरमा ल्याण्ड हुन नसक्ने सूचना आएपछि जहाज फर्किएको हो, अब मौसममा सुधार आएको खबर आयो भने मात्रै उडान हुन्छ’ ती कर्मचारीले भने ।