थाइल्याण्डको राष्ट्रिय ध्वजावाहक थाई एयरवेज इन्टरनेशनलले पुन: काठमाडौं उडान सुरु गर्ने भएको छ। कम्पनीले विश्वव्यापी कोभिड–१९ महामारीका कारण अप्रिल २०२० देखि उडान रोकेकोमा आगामी नोभेम्बरदेखि पुन: उडान सुरु गर्ने भएको हो ।
कम्पनीले एयरलाइन जि. एस. ए.— एजेन्सी सोसाइटी इन्टरनेशनल ट्राभल सर्भिसेसलाई नेपालको बजारको लागि आफ्नो जनरल सेल्स एजेन्ट नियुक्त गरेको छ । कम्पनीका अनुसार उक्त नियुक्ति अगस्ट १, २०२३ बाट लागू भएको छ ।
सम्झौता अनुसार सोसाइटी इन्टरनेशनल ट्राभल सर्भिसले थाई एयरवेज इन्टरनेसनलका लागि सम्पूर्ण ग्राहक र एजेन्ट सपोर्ट सेवा सहित चौतर्फी सेल्स, मार्केटिब र विमानस्थल स्थित सेवाहरू उपलब्ध गराउने छ ।
